Events

Klassískt íslenskt kaffihlaðborð Áskaffi í Héðinsminni! Helgina 6. og 7. júní bjóðum við ykkur velkomin í sannkallaða kaffiveislu eins og hún gerist best! Áskaffi er í Héðinsminni þar sem borðin munu svigna undan klassísku, íslensku bakkelsi. Ef þig langar í ósvikna sveitastemningu, ilm af kaffi og kökur sem minna á bestu minningarnar úr ömmubakstri, þá máttu ekki láta þessa helgi framhjá þér fara.  Hvenær: Laugardaginn 6. júní og sunnudaginn 7. júní.  Hvar: Í Héðinsminni Skagafirði. Hvað er í boði? Nýsteiktar pönnukökur, skonsu brauðtertur, dýrindis rjómatertur, kleinur og allt það klassíska sem fyllir hjartað (og magann) af hlýju. Og að sjálfsögðu nóg af rjúkandi kaffi! Taktu fjölskylduna, vinina með í sunnudagsbíltúr. Við hlökkum mikið til að taka á móti ykkur og eiga dásamlega helgi saman. Verð: 3.900kr. á mann fyrir 12 ára og eldri, 2.000 kr. fyrir yngri. Húsið opnar kl. 14:00 báða dagana. Hlökkum til að sjá ykkur!

Gleðileg jól og farsælt nýtt ár. Þakka góðar heimsóknir á árinu sem er að líða. Jólakveðja, Herdís

Jólahlaðborð í Héðinsminni föstudaginn 12. desember og laugardaginn 13.desember 2025. Fyrir hópa, 6 manns, eða fleiri í hverjum hópi. Brynjóldur Birkir matreiðslumarður töfrar fram allskonar kræsingar og við bjóðum ykkur hjartanlega velkomin til okkar í Héðinsminni á aðventunni. Verðið er 11.500 kr á mann Opið fyrir pantanir til 5. desember. Nánari upplýsingar í síma 6996102 eða á kompan@simnet.is Kveðja góð, Herdís

Síðasta kaffihlaðborð Áskaffi góðgæti þetta sumarið verður haldið 6. og 7. september 2025. Ekta veisla með allskonar kökum og brauði sem ég hlakka til að bjóða ykkur að smakka á og njóta. Verðið er 3.900 kr. á manninn en 2.000 kr. fyrir yngri en 12 ára. Verið hjartanlega velkomin í Héðinsminni Skagafirði. Kveðja, Herdís

Kaffihlaðborð Áskaffi góðgæti í Héðinsminni laugardaginn 6. og sunnudaginn 7. september frá kl. 14-18. Tertur, brauð og fleira góðgæti á veisluborðinu. Verð 3.900 kr. á mann en 2.000 kr. fyrir 12 ára og yngri. Verið velkomin í Skagafjörð. Kveðja, Herdís

Í sumar verður boðið uppá glæsileg kaffihlaðborð með hnallþórum og allskonar góðgæti sem Herdís eigandi Áskaffi framleiðir og gefur gestum sínum tækifæri á að koma og njóta í fallegu umhverfi í félagsheimilinu Héðinsminni í Skagafirði þar sem Áskaffi er til húsa. Kaffihlaðborðin verða fyrstu helgi í hverjum mánuði fram á haustið. Opið verður bæði laugardag og sunnudag frá kl. 14-18. Borðin svigna undan gómsætum kökum og brauði og ég bið ykkur vel að njóta. Verðið er 3.900 kr. á manninn fyrir 12 ára og eldri, 2.000 kr. fyrir yngri. Ef bókað er fyrir hóp sem telur fleiri en 20 manns þá kostar það 3.500 kr. á manninn. Síminn er 6996102 eða sendið skilaboð hér frá síðunni og ég hef samband við fyrsta tækifæri. Verið ávallt velkomin til mín í kaffihlaðborð og aðrar veitingar. Kær kveðja, Herdís  

Sýningin Dulúð og vatnslitir sameinar notkun vatnslita með náttúrulegum viðfangsefnum, sem endurspegla áhuga Söru á sveitinni og náttúrunni. Verkin á sýningunni sýna dýpt og mýkt vatnslitanna og hvernig þau fanga dulúð náttúrunnar. Þetta er fyrsta einkasýning Söru Jónu Emilíu og hér eru seldar frummyndir af kortunum hennar frá 2015 – 2025. Við lengjum opnunartíma sýningarinnar og höfum OPIÐ UM HELGAR Í MAÍ Áskaffi góðgæti veitingar til sölu á meðan sýningin stendur. Verið velkomin.

Laus sæti á jólahlaðborð 7.desember í Héðinsminni Skagafirði. Allskonar góðgæti sem gestum bíðst að smakka og njóta í góðum félagsskap. 12.900 á mann Borðapantanir í síma 6996102

Langar þig í lagtertu fyrir jólin „eins og hjá ömmu“? Hafðu samband! Kv. Herdís

Í jólapakkana frá Áskaffi góðgæti. Takmarkað magn. Leitið upplýsinga í síma 6996102. Kv. Herdís