Áskaffi dagsferðir
Áskaffi hefur verið viðurkenndur leyfishafi dagsferða síðan 2019 og býður gesti velkomna í Skagafjörð í einstaka upplifun þar sem sagan lifnar við.
Skagafjörður er eitt merkasta menningarsvæði Íslands – land hesta, sagna, kirkjustaða og sterkra matarhefða. Í ferðum okkar leggjum við ríka áherslu á að maturinn komi beint úr héraði og að gestir fái að hitta fólkið sem býr og starfar í sveitinni.
Við leggjum hjartað í persónulega þjónustu og vandaða skipulagningu svo menning, saga og staðhættir njóti sín til fulls í hverri ferð.
Dagsferðir um matarslóðir Skagafjarðar
Við bjóðum upp á fjölbreyttar dagsferðir þar sem gestir fá að kynnast ríkri matarmenningu héraðsins. Á ferð okkar um matarslóðir Skagafjarðar heimsækjum við bændur og handverkshús sem leggja metnað sinn í að nýta ferskt hráefni úr heimabyggð, allt frá hágæða lambakjöti yfir í sultur og osta.
Ferðirnar eru bæði ánægjulegar fyrir bragðlaukana og jafnframt veita þær dýpri innsýn í sögu og hefðir svæðisins. Hvort sem notið er dýrindis máltíðar í notalegu félagsheimili eða keyptar afurðir beint frá býli, þá er upplifunin lituð af þeirri gestrisni og þeim gæðum sem einkenna skagfirska matarframleiðslu.
Rauði þráður ferðanna er matarupplifun. Hér er ætlunin að njóta, ekki þjóta. Svæðistengd ferðaþjónusta sem styður við heimamenn og mannlíf sveitarinnar.
Sælkera- og söguferðir
Við bjóðum upp á fjölbreyttar sælkera- og söguferðir með viðkomustaði víðsvegar um Skagafjörð. Þar má nefna:
Hæglætisferðir með heimafólki í Skagafirði
Áskaffi býður hæglætis dagsferðir þar sem við förum af alfaraleið og heimsækjum sögustaði, sjávarþorp og framleiðendur sem skapa einstaka upplifun.
Í dagsferðum okkar leggjum við áherslu á:
- lítil hópferð – meiri gæði
- sögur staðanna
- vandaðar veitingar
- rólegt og notalegt ferðalag
- fróðleg og lifandi leiðsögn
- öryggi og fagmennsku
Hjá okkur snýst ferðalagið ekki bara um að fanga augnablikið á mynd,
heldur að taka sögurnar, bragðið og stemninguna með sér heim.
Fyrir brottför
Gott að vita
Við mælum með að gestir hafi með sér:
- Góðan fatnað eftir veðri
- Þægilega skó
- Létta yfirhöfn eða regnjakka
- Glaðværð og góða skapið
- Forvitni og ferðagleði
Hér gildir að njóta en ekki þjóta. Ferðirnar eru á rólegu nótunum og henta fullkomlega öllum aldurshópum. Frábær ferðamáti fyrir unga og áhugasama, fullorðna og eldri gesti sem kunna að meta gæðastundir.
Bókanir og skilmálar
Þegar þú hefur valið þér áhugaverða ferð, þá er um að gera að tryggja sér sæti. Á bókanir og skilmálar, finnur þú allar upplýsingar um bókun ferðar, greiðslu staðfestingargjalds, afbókanir og aðra skilmála. Vinsamlegast kynntu þér skilmálana, svo allir geti notið ferðarinnar til hins ítrasta.
Samstarf við Crisscross matarferðir
Áskaffi vinnur í nánu samstarfi við Criscross matarferðir um skipulagningu og sölu á tveimur af okkar vinsælustu ferðum sem sameina matarmenningu og upplifun í Skagafirði. Þessar ferðir eru í sölu hjá Criscross og henta vel fyrir einstaklinga og smærri hópa sem vilja njóta þess besta sem svæðið hefur upp á að bjóða.
Nánari upplýsingar um þessar ferðir, verð og bókanir má finna á ensku á vef Crisscross matarferða.
