Ferðin er hönnuð fyrir þau sem vilja hægja á sér, njóta augnabliksins og kynnast íslensku sveitalífi eins og það gerist best. Leiðsögumaður ferðarinnar er innfæddur Skagfirðingur sem rekur kaffihúsið Áskaffi. Með brennandi áhuga á sögu héraðsins og menningararfi mun leiðsögumaðurinn leiða gesti um leyndardóma fjarðarins, segja lifandi sögur af mönnum og málefnum og tryggja að hlýjar móttökur mæti öllum á hverjum áfangastað.

Frá Varmahlíð liggur leiðin um Lýtingsstaðahrepp, sem fyrrum hét, þar sem við hittum bændur og framleiðendur á heimaslóðum. Við heimsækjum fyrst Lýtingsstaðabændur, sem bjóða upp á einstakar og fallegar sýningar um íslenska hestinn og fjárhundinn. Þar fáum við innsýn í hvernig þessi dýr hafa fylgt þjóðinni í gegnum aldirnar og heyrum skemmtilegar sögur af samspili manns og náttúru.

Þaðan höldum við í Rúnalist, sem er sannkölluð vin fyrir áhugafólk um íslenska hönnun og matarmenningu. Staðurinn selur einstakt handverk og gæðavörur frá litlum smáframleiðendum matvæla víðs vegar af Íslandi. Við gefum okkur góðan tíma til að skoða okkur um og smakka á dýrindis framleiðslu sem kitlar bragðlaukana.

Eftir líflegt spjall og smakk er kærkomið að setjast niður og nærast. Við snæðum ljúffengan hádegisverð í afslöppuðu umhverfi og einstakri hlýju á kaffihúsinu á Starrastöðum, þar sem staðbundið hráefni og alúð mætast í hverjum bita.

Eftir hádeigisverð er afslappandi útsýnistúr um Steinstaðarhverfi og fram hjá Stapa með stoppi hjá Reykjakirkju áður en keyrt er um Efri byggðina til baka með viðkomu hjá Víðimýrarkirkju.

Við ljúkum svo þessum dásamlega degi í Stefánsstofu í Miðgarði. Þar njótum við fagurs og stórfenglegs útsýnis yfir fjörðinn á meðan við gæðum okkur á ljúffengu, heimabökuðu bakkelsi. Þetta er fullkominn endapunktur á degi þar sem samvera, sögur, bragðlaukarnir og rólegheitin fá að njóta sín til fulls.